कौशल्य विकास प्रशिक्षण व रोजगार योजना

आजच्या युगात कौशल्य विकास ही रोजगार मिळवण्याची सर्वात महत्त्वपूर्ण गुरुकिल्ली बनली आहे. शैक्षणिक पात्रतेसोबत टेक्निकल किंवा नॉन-टेक्निकल कौशल्ये असतील तर रोजगाराच्या असंख्य दारे उघडतात. ह्या वास्तवाची जाणीव ठेवून महाराष्ट्र शासनाच्या महाज्योती (महात्मा ज्योतिबा फुले संशोधन व प्रशिक्षण संस्था), नागपूर या स्वायत्त संस्थेमार्फत एक प्रभावी कौशल्य विकास प्रशिक्षण व रोजगार योजना राबविली जात आहे.

ही योजना विशेषतः इतर मागासवर्गीय (OBC), विमुक्त जाती-भटक्या जमाती (VJNT) आणि विशेष मागास प्रवर्गातील (SBC) युवक–युवतींसाठी आहे. 18 ते 45 वयोगटातील नॉन-क्रिमीलेअर उमेदवारांना नामांकित प्रशिक्षण संस्थांमधून मोफत प्रशिक्षण व प्रशिक्षणानंतर रोजगाराच्या उत्तम संधी उपलब्ध करून देणे हा योजनेंचा मुख्य उद्देश आहे.

योजनेंची वैशिष्ट्ये – Skill Development + Job Placement

योजनेचा उद्देश फक्त प्रशिक्षण देणे नाही, तर उमेदवारांना उद्योग-व्यवसायात थेट रोजगार उपलब्ध करून देणे हा आहे. प्रशिक्षण राष्ट्रीय स्तरावरील मानकांनुसार दिले जाते.

प्रशिक्षणाचे स्वरूप

योजनेतील लाभ

1. पूर्णतः मोफत कौशल्य प्रशिक्षण
2. निवासी प्रशिक्षणासाठी मोफत निवास आणि भोजन
3. प्रशिक्षणानंतर 100% प्लेसमेंट सपोर्ट
4. देशभरातील प्रतिष्ठित कंपन्यांमध्ये रोजगाराची संधी
5. तांत्रिक कौशल्यांमुळे करिअरमध्ये मोठी प्रगती

पात्रता निकष

1. उमेदवार महाराष्ट्राचा रहिवासी असावा.
2. उमेदवार OBC, VJNT किंवा SBC प्रवर्गातील असावा.
3. उमेदवाराकडे वैध नॉन-क्रिमीलेअर प्रमाणपत्र असावे.
4. निवडलेल्या कोर्ससाठी आवश्यक शैक्षणिक पात्रता पूर्ण केलेली असावी.
5. वय 18 ते 45 वर्षे.

अर्ज करण्यासाठी आवश्यक कागदपत्रे

1. ओळखपत्र – आधारकार्ड / मतदान कार्ड
2. जात प्रमाणपत्र
3. वैध नॉन-क्रिमीलेअर प्रमाणपत्र
4. शैक्षणिक कागदपत्रे (10 वी/12 वी/पदवी/तांत्रिक पात्रता)

अधिक माहितीसाठी: महाज्योतीची अधिकृत वेबसाईटला https://mahajyoti.org.in ला भेट द्या.