इतर मागासवर्गीय विद्यार्थ्यांसाठी परदेशी शिष्यवृत्तीकरिता अर्ज प्रक्रिया सुरू

महाराष्ट्र शासनाच्या इतर मागास बहुजन कल्याण विभागामार्फत इतर मागासवर्गीय (OBC), विमुक्त जाती व भटक्या जमाती प्रवर्गातील विद्यार्थ्यांसाठी परदेशात उच्च शिक्षणासाठी विदेशी शिष्यवृत्ती योजनेअंतर्गत 2026-27 वर्षासाठी अर्ज प्रक्रिया सुरू करण्यात आली आहे. परदेशातील नामांकित विद्यापीठांमध्ये उच्च शिक्षण घेऊ इच्छिणाऱ्या विद्यार्थ्यांसाठी ही योजना एक मोठी संधी मानली जात आहे. या अंतर्गत एकूण ७५ विद्यार्थ्यांची निवड करण्यात येणार आहे. Other Backward Bahujan Welfare Department Foreign Scholarship Year 2026-27

ही योजना सामाजिक व शैक्षणिक दृष्ट्या मागास (OBC) घटकातील विद्यार्थ्यांना जागतिक दर्जाचे शिक्षण घेण्याची मोठी संधी उपलब्ध करून देते. आर्थिक अडचणीमुळे परदेशात शिक्षण घेऊ न शकणाऱ्या विद्यार्थ्यांसाठी ही योजना एक उज्ज्वल भविष्याचा मार्ग ठरू शकते. महाराष्ट्र शासनाची ही विदेशी शिष्यवृत्ती योजना ही केवळ आर्थिक मदत नसून, ओबीसी विद्यार्थ्यांसाठी आंतरराष्ट्रीय शिक्षणाच्या दारात प्रवेश मिळवून देणारा महत्त्वाचा टप्पा आहे. पात्र विद्यार्थ्यांनी या संधीचा लाभ घ्यावा, असे आवाहन ओबीसी अधिकारी कर्मचारी संघच्यावतीने करण्यात आले आहे.

शाखानिहाय जागांचे वितरण

या शिष्यवृत्ती अंतर्गत विविध शाखांमध्ये खालीलप्रमाणे जागा निश्चित करण्यात आल्या आहेत:

पात्रतेचे निकष

या योजनेसाठी अर्ज करणाऱ्या विद्यार्थ्यांनी खालील अटी पूर्ण करणे आवश्यक आहे:

• विद्यार्थी महाराष्ट्र राज्याचा कायम रहिवासी असावा.
• संबंधित विद्यार्थी OBC, VJNT किंवा SBC प्रवर्गातील असावा.
• परदेशातील शिक्षण संस्थेकडून Unconditional Offer Letter मिळालेले असणे आवश्यक आहे.
• निवडलेले विद्यापीठ QS World Ranking मध्ये 200 च्या आत असावे.
• कुटुंबाचे वार्षिक उत्पन्न ₹8 लाखांपेक्षा कमी असावे.
• पदव्युत्तर अभ्यासक्रमासाठी वयमर्यादा 35 वर्षे, तर पीएचडीसाठी 40 वर्षे आहे.
• किमान 55% गुण आवश्यक आहेत.

महत्त्वाच्या अटी

• एका कुटुंबातील जास्तीत जास्त दोन विद्यार्थ्यांनाच या योजनेचा लाभ मिळू शकतो.
• विद्यार्थ्याने एकदा निवडलेले विद्यापीठ व अभ्यासक्रम बदलता येणार नाही.
• सर्व अटी व नियम शासनाच्या संबंधित शासन निर्णयानुसार लागू राहतील.

लाभाचे स्वरूप पुढीलप्रमाणे

• विद्यापीठाने प्रमाणित केलेल्या शिक्षण शुल्काची पूर्ण रक्कम.
• विद्यापीठाच्या निकषानुसार वैयक्तिक आरोग्य विमा खर्च.
• विद्यार्थ्यास वार्षिक निर्वाह भत्ता परदेशातील संबंधित शैक्षणिक संस्थेने ठरवून दिलेल्या अथवा भारत सरकारच्या DCPT विभागाने ठरवून दिलेल्या दराप्रामाणे अथवा महाराष्ट्र शासनाने वेळोवेळी जाहिर करेल. ती रक्क्म निर्वाह भत्ता म्हणून अनुज्ञेय असेल.
• विद्यार्थ्यांना परदेशात जाताना व अभ्यासक्रम यशस्वीरित्या पूर्ण केल्यानंतर परत येताना विमान खर्च अनुज्ञेय असेल.

अर्ज प्रक्रिया

इच्छुक विद्यार्थ्यांनी खालीलप्रमाणे अर्ज करावा:

• ऑनलाइन अर्ज करण्यासाठी परदेशी शिष्यवृत्ती योजना अर्ज या टॅबवर क्लिक करावे
• ऑफलाईन अर्ज सादर करण्याचे ठिकाण: संचालक, इतर मागास बहुजन कल्याण संचालनालय, पुणे
• अधिक माहितीसाठी: https://obcbahujankalyan.maharashtra.gov.in https://dirobbwd.maharashtra.gov.in
• अर्ज ऑनलाइन तसेच ऑफलाइन पद्धतीने सादर करता येईल.

अर्ज सादर करण्याची अंतिम मुदत: 21 मे 2026 (सायं. 6:15 पर्यंत)  

अधिक माहितीकरीता संघटनेच्या प्रतिनिधी सोबत 8796455216 या क्रमांकावर संंपर्क साधावा.