इतर मागास प्रवर्गातील महिलांसाठी सक्षमीकरण व स्वयंरोजगार योजना

योजनेचा उद्देश

या योजनेद्वारे इतर मागास प्रवर्गातील गरीब, होतकरू, परित्यक्ता तसेच ग्रामीण आणि शहरी भागातील महिलांना आर्थिक सहाय्य उपलब्ध करून देणे आणि त्यांना स्वावलंबी, सक्षम आणि आत्मनिर्भर बनविणे हे उद्दिष्ट ठेवण्यात आले आहे. ही योजना विशेषतः महिला बचत गटांमार्फत (Self Help Groups) राबविण्यात येते, ज्यामुळे सामूहिक सहभाग आणि आर्थिक शिस्त दोन्ही वाढते.

योजना कोणासाठी आहे?

• राज्यातील महिला बचत गटांतील इतर मागास प्रवर्गातील महिला
• वय १८ ते ६० वर्षे दरम्यान असलेल्या महिला
• महिला आर्थिक विकास महामंडळाच्या (MAVIM) CMRC (लोकसंचालित साधनकेंद्र) मार्फत शिफारस केलेले बचत गट
• ज्यामध्ये किमान ५०% सदस्य इतर मागास प्रवर्गातील असतील

1️⃣ प्रथम टप्पा: बचत गटास ₹५ लाखांपर्यंत कर्ज बँकेकडून मिळू शकते.

2️⃣ द्वितीय टप्पा: पहिल्या टप्प्यातील कर्जाची नियमित परतफेड झाल्यास, गटास ₹१० लाखांपर्यंत कर्ज मंजूर होऊ शकते.

3️⃣ व्याज परतावा: बँकेकडून मंजूर झालेल्या कर्जावर कमाल १२% व्याज मर्यादेत व्याज परतावा इतर मागासवर्गीय वित्त आणि विकास महामंडळ (MSOBCFDC) मार्फत दिला जाईल.

योजनेचे फायदे

• महिला आर्थिकदृष्ट्या सक्षम होतात
• ग्रामीण व शहरी महिलांमध्ये स्वयंरोजगाराची संधी वाढते
• महिला बचत गटांना आर्थिक बळकटी मिळते
• समाजातील मागास घटकांमध्ये आर्थिक सक्षमीकरणाचा पाया मजबूत होतो

अर्ज कसा कराल?

या योजनेबद्दल अधिक माहिती आणि अर्ज करण्यासाठी खालील अधिकृत संकेतस्थळाला भेट द्या:
🔗 https://beta.mahila.msobcfdc.in/

अधिक माहितीसाठी

आपल्या जिल्हातील ओबीसी वित्त व विकास महामंडळच्या कार्यालयास भेट द्या:

राम वाडीभष्मे, महासचिव ओबीसी अधिकारी कर्मचारी संघ 8796455216