एमपीएसी संयुक्त गट परीक्षेसाठी (गट ब व क) परीक्षापूर्व प्रशिक्षण अर्ज भरणे सुरू

दीड हजार विद्यार्थ्यांची निवड होणार तर अर्ज भरण्याची अंतिम तारीख १५ मे

संघटना प्रतिनिधी :

महाराष्ट्र लोकसेवा आयोगाच्यावतीने घेण्यात येत असलेल्या संयुक्त गट (गट ब व क) परीक्षेसाठी मागासवर्ग, विमुक्त जाती-भटक्या जमाती व विशेष मागास प्रवर्गातील विद्यार्थ्यांना वर्ष २०२३-२४ करीता महाज्योती संस्थेच्यामार्फत पूर्वतयारीसाठी मोफत ऑफलाईन व अनिवासी पध्दीतीने प्रशिक्षण देण्यात येणार आहे. यासाठी राज्यातील दीड हजार विद्यार्थ्यांना संधी मिळणार असून अर्ज करण्याची शेवटची तारीख १५ मे आहे.

प्रशिक्षणाचा कालावधी ८ महिने राहील. पात्र विद्यार्थ्यांची प्रतिमाह हजेरी ७५ टक्के उपस्थिती राहिल्यास, दर महिण्याला दहा हजार रुपये विद्यावेतन देण्यात येणार आहे. सदर योजनेसाठी विद्यार्थ्यी महाराष्ट्रातील मुळ रहिवासी असून मागासवर्ग, विमुक्त जाती-भटक्या जमाती व विशेष मागास प्रवर्गातील उत्पन्न गटात मोडणारा नसावा (नॉन क्रिमिलेअर असावा). त्यांचे शिक्षण पदवी पूर्ण किंवा पदवीच्या पदविच्या अंतिम वर्षाला असणारे अर्ज करू शकतात. त्यांचे वय १९ वर्ष ते ४३ वर्षापर्यंत असावे. तर दिव्यांगाचे वय ४५ वर्षापर्यंत पाहीजे.

अर्ज ऑनलाईन पध्दतीनेच भरावे. प्राप्त अर्जांची निकषानुसार छानणी केली जाईल. छानणीमध्ये प्रात्र अर्जांची चाळणी राज्यसेवा परीक्षेच्या धर्तीवर व अभ्यासक्रमानुसार करण्यात येईल. चाळणी परीक्षेत पात्र विद्यार्थ्यांची गुणांकनानुसार मेरीटच्या आधारे व आरक्षित जागांच्या प्रमाणात यादी व प्रतीक्षा यादी महाज्योतीच्या संकेतस्थळावर प्रसिध्द करण्यात येईल. प्रक्षिणणाचे स्वरूप हे राज्यसेवेच्या अभ्यासक्रमानुसार असुन त्या पध्दतीने प्रशिक्षण देण्यात येईल. प्रशिक्षण हे अनिवासी स्वरूपाचे असून ऑफलाईन स्वरूपात देण्यात येईल.

सामाजिक प्रवर्ग व समांतर आरक्षण पुढीलप्रमाणे

समांतर आरक्षणात प्रवर्गनिहाय महिलांसाठी ३० टक्के जागा, दिव्यांगासाठी ४ टक्के जागा तर अनाथांसाठी १ टक्के आरक्षित आहेत.

ऑनलाइन अर्ज करण्यासाठी गट ब व गट क या टॅबवर जाऊन ऑनलाईन पध्दतीने अर्ज करावा. अर्जासोबत खालील प्रमाणे सर्व कागदपत्रे स्वाक्षांकीत करून स्पष्ट दिसतील असे स्कॅन करून जोडावे.

लागणारे आवश्यक कागदपत्रे –

1. आधार कार्ड.
2. जातीचे प्रमाणपत्र.
3. रहिवासी दाखला.
4. वैध नॉन-क्रिमिलेअर प्रमाणपत्र.
5. पदवीचे प्रमाणपत्र/मार्कशीट/अंतिम वर्षात शिकत असलेल्या विद्यार्थ्यांनी मागील वर्षी उत्तीर्ण झाल्याचे गुणपत्रक जोडावे.
6. पासबुक किंवा रद्द केकेला धनादेश.
7. दिव्यांग असल्यास दाखला.
8. अनाथ असल्यास दाखला.