पर्यटन विकासासाठी फेलोशिप; तरूणांना संधी

अर्ज भरण्याची अंतिम मुदत १५ मे; एमटीडीसीच्या फेलोशिप उपक्रम

संघटना प्रतिनिधी, मुंबई : राज्याच्या पर्यटन विकासासाठी विविध क्षेत्रातील नवीन दृष्टीकोन आणि तंत्रज्ञानाची आवड असलेल्या तरुणांसाठी महाराष्ट्रपर्यटन विकास महामंडळामार्फत फेलोशिप उपक्रम राबविण्यात येणार आहे. या उपक्रमांतर्गत तरुणांना फेलोशिपची संधी उपलब्ध होणार असून या फेलोशिपसाठी इच्छुक तरुणांनी १५ मेपर्यंत अर्ज पाठविण्याचे आवाहन, महामंडळाद्वारे करण्यात आले आहे.

एमटीडीसीच्या फेलोशिप उपक्रम २०२३ मध्ये पर्यटन क्षेत्रातील अभ्यास आणि सेवा, संशोधन, पर्यटन आधारित संस्था आणि पुढाकार विकसित करणे, प्रशिक्षण आणि फेलोची वाढ करणे समाविष्ट आहे. या उपक्रमाच्या माध्यमातून व्यवसाय विकास, विपणन, रेस्टॉरंट ऑपरेशन्स, जलपर्यटन, विधी, विशिष्ट आणि अनुभवात्मक पर्यटन, टूर पॅकेजेस, प्रशिक्षण, पर्यटन पायाभूत सुविधा, कॉर्पोरेट अकाउंटिंग, पर्यटन नावीन्यपूर्णप्रकल्प, बैठका, परिषद, प्रोत्साहन आणि प्रदर्शन (MICE) यासारख्या एमटीडीसीच्या विविध विभागांमधील तज्ज्ञांच्या आवश्यकतेमधील अंतर कमी करण्यास सहाय्य होणार आहे.

समाज माध्यम, निर्मिती-ब्रॅंडींग-डिझाइन, डिजिटल मार्केटिंग-प्रसिद्धी- आंतरराष्ट्रीय संबंध, सामान्य व्यवस्थापन, जबाबदार पर्यटन, महसुली यंत्रणेत सुधारणा आणि उत्पन्न व्यवस्थापन, माहिती तंत्रज्ञान या क्षेत्रातील तरुणांकडून, त्यांची तंत्रज्ञानाची आवड आणि नवीन दृष्टीकोन मिळवणे इत्यादी बाबी या उपक्रमात समाविष्ठ करण्यात आले आहे. पर्यटनमंत्री मंगलप्रभात लोढा यांच्या नेतृत्वाखाली या फेलोशिप उपक्रमाची आखणी करण्यात आली असून पर्यटन विभागाचे प्रधान सचिव सौरभ विजय, एमटीडीसीच्या व्यवस्थापकीय संचालक श्रद्धा जोशी शर्मा यांच्या मार्गदर्शनाखाली हा उपक्रम राबविला जाणार आहे.

या फेलोशिप उपक्रमासाठी वयोमर्यादा आणि शैक्षणिक पात्रता निश्चित करण्यात आली आहे. २१ ते २६ वर्ष वय असलेल्या आणि कोणत्याही प्रकारची प्रथम श्रेणी पदवीधारक तरुणांना फेलोशिपसाठी अर्ज करता येतो. तसेच या लोकोपयोगी उपक्रमांतर्गत विषयात पदवीधारकांना पदव्युत्तर अधिकार दिले जातात.

फेलोशिप संवादासाठी एक वर्षाचा अनुभव आवश्यक आहे. निवडक फेलो लोकांसाठी दरमहा ३५ हजार रुपये विद्यार्थी आणि ५ हजार रुपये विद्यार्थी आणि इतर असे एकूण ४० हजार रुपये दरमहा मिळणार आहेत. फेलोशिपसाठी तरुणांनी महाराष्ट्र राज्य विकास महामंडळाचे महाव्यवस्थापक यांच्या  gm@maharashtratourism.gov.in  आणि  dgm@maharashtratourism.gov.in  आणि ईमेल पत्त्यावर सर्व आवश्यक कागदपत्रे १५ मे २०२३ पर्यंत इच्छुक महामंडळाचे पाठविण्याचे आवाहन महामंडळ करण्यात आले आहे.