जुनी पेन्शनच्या पाठपुराव्यासाठी शिक्षक आमदार काळेना निवेदन

संघटना प्रतिनिधी
धारशिवी (उस्मानाबाद) : जुनी पेन्शन योजना लागू व्हावी याकरिता मंत्रालय स्तरावर पाठपुरावा करण्याची मागणी शिक्षक आमदार विक्रम काळे यांना जिल्हा आश्रम शाळा शिक्षक व कर्मचाऱ्यांच्यावतीने निवेदनाद्वारे करण्यात आली.

आमदार काळे यांनी जुनी पेन्शन योजना लवकरात लवकर लागू होण्यासाठी तसेच आश्रम शाळा कर्मचाऱ्यांवरील अन्याय दूर करण्यासाठी मंत्रालय स्तरावर पाठपुरावा करून शिक्षकांना न्याय देण्याची मागणी यावेळी निवेदनातून करण्यात आली. निवेदन देताना शिंगोली आश्रम शाळेतील शिक्षक प्रतिनिधी सतीश कुंभार, राष्ट्रवादी शिक्षक संघटनेचे जिल्हाध्यक्ष दत्तात्रय मेंढेकर, बालाजी तांबे, प्राध्यापक अंकुश नाडे, निशिकांत देशमुख आदी कर्मचारी उपस्थित होते.