महिला विशेषांकाचे प्रकाशन

जागतिक महिला दिनानिमित्त भोई गौरव मासिकेच्यावतीने महिला विशेषांकाचे प्रकाशन नुकतेच महात्मा गांधी उद्यान हनुमान नगर नागपूर येथे करण्यात आले. या मासिका द्वारे प्रकाशित करण्यात आलेला पाचवा महिला महिला विशेषांक आहे. यावेळी राष्ट्रीय टेबल टेनिसपटू चित्रा मेश्रे, पोलीस विभागात कार्यरत छाया पोईनकर व रंजना सुरजुसे यांचा सत्कार मासिकाचे मुख्यसंपादक चंद्रकांत लोणारे यांचे हस्ते करण्यात आला.

दरम्यान उपस्थित सर्व महिलांचे पुष्पगुच्छ देऊन स्वागत करण्यात आले. प्रकाशन सोहळ्याला प्रा. भारती दवणे, कल्पना चाचेरकर, वर्षा बावणे, सुशीला लोणारे, छाया मोहंकर, किशोर ढाले, अनुप बावणे, प्रा राहूल गौर उपस्थित होते. कार्यक्रमाचे संचालन प्रा. राहूल गौर यांनी केले तर आभार किशोर ढाले यांनी मानले.